LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

سندھ طاس معاہدہ معطل کر کے عالمی ذمہ داریوں سے فرار ممکن نہیں: لوری اے واٹکنز

Web Desk

30 June 2026

معروف مصنفہ اور عالمی پالیسی کی ماہر لوری اے واٹکنز نے کہا ہے کہ سندھ طاس معاہدہ بین الاقوامی سفارت کاری کی حقیقی اور تاریخی کامیابیوں میں سے ایک ہے۔ کوئی بھی ریاست اس معاہدے کی یکطرفہ معطلی کا اعلان کر کے اپنی عالمی قانونی ذمہ داریوں سے دستبردار نہیں ہو سکتی۔

اسلام آباد میں سندھ طاس معاہدے (Indus Waters Treaty) سے متعلق منعقدہ ایک خصوصی سیمینار سے خطاب کرتے ہوئے لوری اے واٹکنز نے کہا کہ اس اہم موضوع پر اظہارِ خیال کرنا ان کے لیے باعثِ مسرت ہے۔ انہوں نے کہا کہ یہ حقیقت سب کے سامنے ہے کہ سندھ طاس معاہدہ 60 برس سے زائد عرصے تک مؤثر انداز میں کام کرتا رہا، حالانکہ اسے ایک انتہائی مشکل اور پیچیدہ مقصد کے لیے تشکیل دیا گیا تھا۔ دنیا بھر میں دریاؤں سے متعلق معاہدے بنیادی طور پر ریاستوں کے درمیان تنازعات کو روکنے کے لیے کیے جاتے ہیں۔

انہوں نے پاکستان اور بھارت کے حالیہ تنازع پر بات کرتے ہوئے کہا کہ پاکستان نے دریائے چناب کے پانی کے بہاؤ کے حوالے سے بھارت کو جو باضابطہ خطوط ارسال کیے، وہ محض کوئی انتظامی یا تکنیکی شکایت نہیں تھی بلکہ ایک انتہائی اہم قانونی معاملہ تھا۔ دنیا کے دیگر دریائی نظاموں کا تجزیہ ظاہر کرتا ہے کہ اس نوعیت کی صورتحال خطرناک ثابت ہو سکتی ہے، جبکہ بھارت نے اس معاملے میں عالمی عدالتوں کے فیصلوں کو مسترد کیا۔

لوری اے واٹکنز نے بین الاقوامی قوانین کا حوالہ دیتے ہوئے واضح کیا کہ ویانا کنونشن کے مطابق تمام بین الاقوامی معاہدوں پر فریقین کو نیک نیتی کے ساتھ عمل کرنا چاہیے۔ انہوں نے پرمیننٹ انڈس کمیشن (مستقل انڈس کمیشن) کو عالمی معیار کے مطابق ایک غیر معمولی اور قابلِ قدر ادارہ قرار دیا۔ ان کا کہنا تھا کہ سندھ طاس معاہدے کے تحت مشترکہ معائنے اور تنازعات کے حل کا ایک مربوط، مرحلہ وار نظام وضع کیا گیا ہے۔ اگر فریقین کے درمیان آبی معلومات کا تبادلہ رک جائے تو اس سے بداعتمادی، غلط اندازوں اور بالآخر خطے میں کشیدگی کو جنم ملتا ہے۔ انہوں نے زور دیا کہ کسی بھی بین الاقوامی آبی معاہدے کی اصل طاقت فریقین کے درمیان رابطوں کے تسلسل اور مؤثر تعاون میں ہی مضمر ہوتی ہے۔