LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

کراچی شاہ لطیف ٹاؤن میں گھریلو جھگڑے پر فائرنگ، شوہر جاں بحق، اہلیہ ملزمان کے ہمراہ فرار

Web Desk

29 June 2026

شاہ لطیف ٹاؤن کے علاقے سیکٹر 17 اے میں سڑک پر میاں بیوی کے درمیان ہونے والے جھگڑے کے دوران فائرنگ سے شوہر جاں بحق ہو گیا، جبکہ مقتول کی اہلیہ فائرنگ کرنے والے ملزمان کے ساتھ موقع سے فرار ہو گئی۔

پولیس کے مطابق واقعے کی تفتیش مقتول کے 9 سالہ بیٹے علی رضا کے ابتدائی بیان کی روشنی میں شروع کر دی گئی ہے۔ بچے نے پولیس کو بتایا کہ وہ اپنے والدین کے ساتھ موٹر سائیکل پر جا رہا تھا کہ راستے میں ان کے درمیان کسی بات پر تکرار ہوئی۔ والد نے موٹر سائیکل روک کر والدہ کو تھپڑ مارا، جس پر والدہ نے کسی کو فون کر کے بلا لیا۔ فون کرنے کے کچھ ہی دیر بعد موٹر سائیکل سوار افراد وہاں پہنچے، جنہوں نے پہلے والد کو مارا پیٹا اور پھر فائرنگ کر دی۔ فائرنگ کے بعد والدہ انہی ملزمان کے ساتھ موٹر سائیکل پر بیٹھ کر فرار ہو گئی۔

ایس ایچ او شاہ لطیف ٹاؤن ممتاز مروت نے بتایا کہ فائرنگ کے نتیجے میں 38 سالہ غلام نامی شخص شدید زخمی ہوا، جسے تشویشناک حالت میں جناح اسپتال منتقل کیا جا رہا تھا لیکن وہ راستے میں ہی زخموں کی تاب نہ لاتے ہوئے دم توڑ گیا۔ مقتول کو سینے اور پیٹ میں گولیاں لگی تھیں، اور پولیس کو جائے وقوعہ سے 30 بور پستول کے خول ملے ہیں۔ مقتول غلام شاہ لطیف ٹاؤن سیکٹر 16 اے کا رہائشی تھا اور اس کا آبائی تعلق جیکب آباد سے تھا۔ وہ دو بچوں کا باپ تھا، جن میں سے ایک بیٹی شادی شدہ ہے۔ پولیس نے مقتول کے بیٹے اور دیگر عینی شاہدین کے بیانات کی بنیاد پر ملزمان اور مقتولہ کی گرفتاری کے لیے چھاپے مارنا شروع کر دیے ہیں۔