ملتان سے لاہور جانے والی موسیٰ پاک ٹرین حادثے کا شکار

پتوکی ریلوے اسٹیشن کے قریب موسیٰ پاک ایکسپریس کی دو بوگیاں اچانک ٹریک سے اتر گئیں۔

ریلوے ذرائع کے مطابق یہ حادثہ اس وقت پیش آیا جب ٹرین ملتان سے لاہور کی جانب رواں دواں تھی۔ واقعے کی اطلاع ملتے ہی ریلوے کی امدادی ٹیمیں اور ریسکیو حکام فوری طور پر موقع پر پہنچ گئے۔

اسٹیشن ماسٹر کا کہنا تھا کہ خوش قسمتی سے حادثے کے وقت ٹرین کی رفتار کافی کم تھی، جس کے باعث کوئی جانی نقصان نہیں ہوا اور تمام مسافر مکمل طور پر محفوظ رہے ہیں۔” ریلوے حکام کے مطابق بوگیوں کو دوبارہ ٹریک پر لانے کے لیے امدادی کام شروع کر دیا گیا ہے، جبکہ حادثے کی اصل وجوہات کا تعین کرنے کے لیے تحقیقات کا آغاز بھی کر دیا گیا ہے۔