کوئٹہ میں معروف تاجر اور ریسٹورنٹ مالک کو فائرنگ کر کے قتل کر دیا گیا

کوئٹہ کے علاقے بلیلی میں کچلاک بائی پاس کے قریب نامعلوم مسلح افراد نے اندھا دھند فائرنگ کر کے شہر کے معروف تاجر اور ریسٹورنٹ کے مالک محمد ہاشم نورزئی کو بے دردی سے قتل کر دیا ہے۔ وزیراعلیٰ بلوچستان نے واقعے کا سخت نوٹس لیتے ہوئے آئی جی پولیس سے فوری رپورٹ طلب کر لی ہے۔

پولیس کے مطابق مقتول اپنے گھر سے گاڑی میں شہر کی جانب جا رہے تھے کہ گھات لگائے مسلح ملزمان نے ان کی گاڑی کو نشانہ بنایا اور واردات کے بعد باآسانی فرار ہو گئے۔ پولیس نے لاش کو اسپتال منتقل کرنے کے بعد جائے وقوعہ سے شواہد اکٹھے کر کے تفتیشی عمل شروع کر دیا ہے۔ معروف تاجر کے سفاکانہ قتل کے خلاف لواحقین اور قبائلی رہنماؤں نے شدید احتجاج کرتے ہوئے بلیلی کے مقام پر مقتول کی لاش سڑک پر رکھ کر قومی شاہراہ پر دھرنا دے دیا ہے۔ شاہراہ بلاک ہونے کے باعث کوئٹہ سے ژوب اور چمن کے درمیان ہر قسم کی گاڑیوں کی آمدورفت مکمل طور پر معطل ہو کر رہ گئی ہے، جس سے مسافروں کو شدید مشکلات کا سامنا ہے۔ مظاہرین اور قبائلی عمائدین نے اعلان کیا ہے کہ جب تک قاتلوں کو گرفتار نہیں کیا جاتا، ان کا یہ دھرنا چوبیس گھنٹے جاری رہے گا۔ تاجر برادری اور لواحقین کے شدید ردعمل کے بعد صوبائی حکومت متحرک ہو گئی ہے۔ بلوچستان حکومت کے ترجمان کا کہنا ہے کہ ہاشم نورزئی قتل کیس کی شفاف اور تیز ترین تفتیش کے لیے معاملہ