ٹرمپ کا ایران پر آبنائے ہرمز میں ڈرون حملوں اور جنگ بندی کی خلاف ورزی کا الزام

امریکی صدر ڈونلڈ ٹرمپ نے ایران پر سنگین الزامات عائد کرتے ہوئے دعویٰ کیا ہے کہ ایران نے آبنائے ہرمز (Strait of Hormuz) سے گزرنے والے تجارتی جہازوں پر چار ڈرون حملے کیے ہیں، جو ان کے بقول بین الاقوامی جنگ بندی معاہدے کی کھلی خلاف ورزی ہے۔ اپنے ایک خصوصی بیان میں صدر ڈونلڈ ٹرمپ کا کہنا تھا کہ ایران کی جانب سے کیے گئے یہ حالیہ حملے جنگ بندی معاہدے کی ایک “احمقانہ خلاف ورزی” ہیں۔ انہوں نے صورتحال کی تفصیلات بتاتے ہوئے دعویٰ کیا کہ ایرانی حملوں کے دوران ایک ڈرون براہِ راست ایک کارگو (تجارتی) جہاز سے ٹکرا گیا، جبکہ خطے میں تعینات امریکی فورسز نے فوری جوابی کارروائی کرتے ہوئے مزید تین ایرانی ڈرونز کو فضا میں ہی مار گرایا۔ امریکی صدر ڈونلڈ ٹرمپ نے ان حملوں اور نقصانات کے حوالے سے فی الحال مزید تفصیلی معلومات فراہم نہیں کیں.