LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

دورۂ ویسٹ انڈیز اور انگلینڈ کے لیے ٹیسٹ سکواڈ کا اعلان آئندہ ہفتے کئے جانے کا امکان

Web Desk

26 June 2026

اکستان کرکٹ ٹیم کے آئندہ دورۂ ویسٹ انڈیز اور انگلینڈ کے لیے ٹیسٹ سکواڈ کا اعلان کھلاڑیوں کے فٹنس مسائل کے باعث مؤخر کر دیا گیا ہے، جس کا امکان اب آئندہ ہفتے ہے۔ذرائع کے مطابق رواں ہفتے قومی سلیکٹرز حتمی مشاورت کے لیے سر جوڑ کر بیٹھے تھے، تاہم چند اہم کھلاڑیوں کے فٹنس مسائل سامنے آنے کے بعد سکواڈ کا اعلان روک دیا گیا۔ کھلاڑیوں کی فٹنس کو بہتر بنانے اور موزوں متبادل کی تیاری کے لیے ریڈ بال کیمپ میں مزید کھلاڑیوں کو طلب کر لیا گیا ہے، جن میں عبداللہ شفیق، کامران غلام، حمزہ نذر، روحیل نذیر اور عرفات منہاس شامل ہیں۔سینئر کھلاڑیوں محمد رضوان اور سعود شکیل اس وقت فٹنس مسائل سے دوچار ہیں اور ان کی ریکوری پر تیزی سے کام جاری ہے۔ واضح کیا گیا ہے کہ ریڈ بال کیمپ میں بلائے گئے نئے کھلاڑی ان دونوں کے بیک اپ کے طور پر شامل کیے گئے ہیں اور محمد رضوان یا سعود شکیل کو ٹیم سے باہر نہیں کیا گیا۔ ٹیسٹ سکواڈ کے حتمی اعلان کے ساتھ ہی اس ریڈ بال کیمپ کو بھی ختم کر دیا جائے گا۔ذرائع کے مطابق کیمپ میں شامل فٹنس مسائل سے دوچار کھلاڑیوں کی آئندہ ہفتے مکمل میڈیکل اسسمنٹ (طبی معائنہ) کی جائے گی، جس کی رپورٹ سامنے آنے کے بعد ہی ٹیسٹ سکواڈ کا باقاعدہ اعلان ہو گا۔ اس کے علاوہ، سپنرز کی فہرست میں علی عثمان بھی سکواڈ میں شمولیت کے مضبوط امیدوار بن کر ابھرے ہیں، جبکہ ابرار احمد کے حوالے سے فیصلہ ہونا باقی ہے۔ اگر ابرار احمد ٹیسٹ سکواڈ کا حصہ نہ بنے تو وہ انگلینڈ میں ‘دی ہنڈرڈ’ لیگ میں اپنا معاہدہ پورا کریں گے جو 21 جولائی سے شروع ہو رہی ہے۔پاکستان کا دورۂ ویسٹ انڈیز انتہائی اہمیت کا حامل ہے جہاں قومی ٹیم کا پہلا پریکٹس میچ 18 جولائی کو کھیلا جائے گا، جبکہ سیریز کے پہلے ٹیسٹ میچ کا باقاعدہ آغاز 25 جولائی سے ہوگا۔