LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

کراچی میں 8 محرم کا مرکزی جلوس آج نشتر پارک سے برآمد ہو گا

Web Desk

24 June 2026

کراچی: شہرِ قائد میں 8 محرم الحرام کا مرکزی جلوس آج نشتر پارک سے روایتی عقیدت و احترام کے ساتھ برآمد ہوگا، جس میں نواسۂ رسول حضرت امام حسین علیہ السلام کے علمدار حضرت عباس علمدارؑ کی عظیم قربانی کی یاد میں ہزاروں عزادارانِ کربلا شرکت کریں گے۔ جلوس کی برآمدگی سے قبل نشتر پارک میں صبح 11 بجے مجلسِ عزا منعقد ہوگی، جس سے معروف عالمِ دین علامہ شہنشاہ حسین نقوی خطاب فرمائیں گے۔ مجلس کے دوران خطیبِ آلِ محمدؐ کربلا کے شہدا کی لازوال قربانیوں، صبرو استقامت اور فلسفۂ شہادت پر تفصیلی روشنی ڈالیں گے۔

مجلس کے اختتام پر، آٹھ محرم الحرام کا یہ مرکزی جلوس دوپہر ڈیڑھ (1:30) بجے نشتر پارک سے برآمد ہوگا۔ عزادارانِ حسینؑ روایتی انداز میں نوحہ خوانی اور سینہ زنی کرتے ہوئے اپنے مقررہ راستوں پر رواں دواں رہیں گے۔

جلوس کے روٹس اور اہم پڑاؤ

  • آغاز: نشتر پارک (دوپہر 1:30 بجے)

  • راستہ: شاہنواز بھٹو روڈ سے ہوتا ہوا ایم اے جناح روڈ اور مرکزی نمائش چورنگی۔

  • نمازِ ظہرین: امام بارگاہ علی رضاؑ کے سامنے باجماعت ادا کی جائے گی۔

  • اختتام: ایم اے جناح روڈ کے روایتی راستوں سے گزرتا ہوا کھارادر میں واقع حسینیہ ایرانیان بارگاہ پر اختتام پذیر ہوگا۔

انتظامیہ اور سکیورٹی حکام کے مطابق، یومِ عاشور کے سلسلے میں سکیورٹی اور ٹریفک کے انتہائی سخت اور خصوصی انتظامات کیے گئے ہیں تاکہ عزاداروں کو ہر ممکن سہولت اور تحفظ فراہم کیا جا سکے۔ سکیورٹی حکام کا کہنا ہے کہ 8 محرم کے مرکزی جلوسوں، مجالس اور شہر کے دیگر حساس مقامات کی نگرانی کے لیے جامع پلان تشکیل دیا گیا ہے۔

شہر بھر میں مجموعی طور پر 5 ہزار سے زائد پولیس افسران و اہلکار سکیورٹی ڈیوٹی انجام دیں گے، جبکہ صرف اس مرکزی جلوس کی سکیورٹی پر 4 ہزار سے زائد پولیس اہلکار تعینات ہوں گے۔ پولیس ترجمان کے مطابق مرکزی جلوس کے راستوں اور اونچی عمارتوں پر اضافی نفری، ریزرو فورس اور ماہر سنائپرز تعینات کیے گئے ہیں، جبکہ جلوس کی گزرگاہوں کو سرچ و سویپ آپریشنز اور بم ڈسپوزل اسکواڈ کی کلیئرنس کے بعد فول پروف بنایا جا رہا ہے۔