امریکہ اور ایران کے درمیان معاہدہ طے پاگیا ، ٹرمپ کا اعلان

امریکی صدر ڈونلڈ ٹرمپ کا کہنا ہے کہ امریکہ اور ایران کے درمیان معاہدہ مکمل طور پر طے پا گیا ہے اور اس حوالے سے باضابطہ اعلان کر دیا گیا ہے۔

اپنے بیان میں ڈونلڈ ٹرمپ نے کہا کہ ایران کے ساتھ معاہدے پر پیش رفت مکمل ہو چکی ہے اور اس پر تمام فریقین کو مبارکباد دی جاتی ہے۔

انہوں نے کہا کہ ایران کی بندرگاہوں پر عائد امریکی بحری پابندی ختم کر دی گئی ہے، جس کے بعد سمندری سرگرمیوں کی بحالی کا آغاز ہو گیا ہے۔

امریکی صدر کے مطابق دنیا بھر کے بحری جہازوں کو اپنی سرگرمیاں دوبارہ شروع کرنے کی اجازت دے دی گئی ہے اور تیل کی ترسیل کے نظام کو بحال کر دیا گیا ہے۔

ڈونلڈ ٹرمپ نے مزید کہا کہ عالمی تجارت اور توانائی کی فراہمی کے لیے یہ پیش رفت اہم سنگ میل ثابت ہوگی اور بین الاقوامی سطح پر معاشی سرگرمیوں میں بہتری آئے گی۔