ایس آئی ایف سی کی بدولت پاکستان کے آئی ٹی شعبے میں نمایاں کامیابیاں

اسلام آباد: اسپیشل انویسٹمنٹ فیسلیٹیشن کونسل (SIFC) کی مسلسل 3 سالہ مؤثر سہولت کاری اور سرپرستی کے نتیجے میں پاکستان کا آئی ٹی اور ڈیجیٹل شعبہ تیز رفتار ترقی کے نئے مراحل طے کر رہا ہے، جس کی بدولت پاکستان خطے میں جدید اور ڈیجیٹل معیشت پر مبنی ایک اہم ٹیک ہب (Tech Hub) بن کر ابھرا ہے۔ ایس آئی ایف سی کی فعال حکمت عملی نے ملک کے ڈیجیٹل لینڈ اسکیپ کو عالمی معیار اور سرمایہ کاری کے ایک مضبوط ماڈل میں تبدیل کر دیا ہے۔

 ایس آئی ایف سی کے تعاون سے پاکستان میں “آئی ٹی سی این ایشیا 2026” (ITCN Asia) جیسے بڑے عالمی نوعیت کے ٹیک میلوں کا کامیاب انعقاد ممکن ہوا، جبکہ “انڈس اے آئی ویک 2026” جیسے ہائی پروفائل پروگراموں نے ملک میں مصنوعی ذہانت (AI) اور جدید ڈیجیٹل مہارتوں کے فروغ میں کلیدی کردار ادا کیا۔ وزارتِ آئی ٹی نے ملک بھر میں نوجوانوں کو جدید ٹیکنالوجی سے ہم آہنگ کرنے کے لیے “اے آئی سیکھو 2026” کے نام سے ایک جامع پروگرام شروع کیا ہے، جس کے تحت نئی نسل کو مصنوعی ذہانت کی ہنر مندی سکھائی جا رہی ہے۔ ایس آئی ایف سی کی فول پروف حکمت عملی کے تحت پاکستان میں بالاآخر 5G سپیکٹرم کا باقاعدہ آغاز کر دیا گیا ہے، جس نے ملک میں تیز ترین انٹرنیٹ اور ڈیجیٹل ترقی کے ایک نئے دور کی بنیاد رکھ دی ہے۔سپرنیٹ گلوبل (Supernet Global) کے دائرہ کار اور نیٹ ورک میں توسیع کی گئی ہے، جس کی بدولت پاکستان کی ڈیجیٹل برآمدات اور زرمبادلہ کے ذخائر میں نمایاں اور ریکارڈ ساز اضافہ ریکارڈ کیا جا رہا ہے۔سرکاری اعداد و شمار کے مطابق، جاری سال کے دوران پاکستان کے اسٹارٹ اپ ایکو سسٹم (Startup Ecosystem) کی مجموعی مالیت اور ویلیو 4 ارب ڈالر سے تجاوز کر گئی ہے۔ ماہرین کے مطابق، سال 2020 کے بعد ملکی تاریخ میں یہ اسٹارٹ اپس کی نمایاں اور غیر معمولی معاشی ترقی کی سب سے واضح علامت ہے، جو غیر ملکی سرمایہ کاروں کے بڑھتے ہوئے اعتماد کو ظاہر کرتی ہے۔