ٹرمپ کی ایک لاکھ ڈالر H-1B ویزا فیس غیر قانونی ہے، امریکی جج کا فیصلہ

امریکا کی ایک وفاقی عدالت نے صدر ڈونلڈ ٹرمپ کی جانب سے اعلیٰ مہارت رکھنے والے غیر ملکی کارکنوں کے لیے مقرر کی گئی ایک لاکھ ڈالر ویزا فیس کو غیر قانونی قرار دیتے ہوئے کالعدم کر دیا ہے۔

عدالتی فیصلے میں کہا گیا کہ یہ فیس دراصل ایک ٹیکس کی حیثیت رکھتی ہے، جس کی منظوری کانگریس نے نہیں دی، اس لیے صدر کو اسے نافذ کرنے کا اختیار حاصل نہیں تھا۔

یہ مقدمہ مختلف ریاستوں کے اٹارنی جنرلز کی جانب سے دائر کیا گیا تھا، جن کا مؤقف تھا کہ غیر معمولی فیس کے باعث امریکا میں اعلیٰ صلاحیتوں کے حامل غیر ملکی ماہرین کی آمد متاثر ہو رہی ہے۔

عدالت نے قرار دیا کہ متعلقہ سرکاری ادارے اس فیس کا نفاذ نہیں کر سکتے کیونکہ اس کے لیے قانونی اختیار موجود نہیں۔

دوسری جانب وائٹ ہاؤس نے فیصلے سے اختلاف کرتے ہوئے اعلان کیا ہے کہ انتظامیہ اس کے خلاف اپیل دائر کرے گی۔