وفاقی بجٹ 10 جون کو پیش نہیں کیا جائے گا، نئی تاریخ کا اعلان جلد متوقع

ذرائع کے مطابق وفاقی حکومت کی جانب سے مالی سال 2026-27 کا بجٹ 10 جون کو پیش نہیں کیا جائے گا۔

ایوان صدر سے منسلک ذرائع کا کہنا ہے کہ بجٹ کی نئی تاریخ کا اعلان جلد وزارت خزانہ کی جانب سے کیا جائے گا۔

رپورٹس کے مطابق بجٹ پیش کرنے کی تاریخ میں تبدیلی کا فیصلہ صدر مملکت اور وزیراعظم کی ملاقات میں کیا گیا، جس میں نائب وزیراعظم اور وزیر خارجہ اسحاق ڈار بھی موجود تھے۔

ذرائع کے مطابق صوبوں کی جانب سے وفاق کو فراہم کیے جانے والے 1700 ارب روپے سے متعلق امور تکنیکی کمیٹیوں کے ذریعے طے کیے جائیں گے، جن کی تشکیل آج رات متوقع ہے۔

مزید بتایا گیا ہے کہ قومی اقتصادی کونسل کا اجلاس بھی ملتوی کر کے اب 10 جون کے بجائے نئی تاریخ پر منعقد کیا جائے گا۔