امریکی صدر ٹرمپ ٹی وی اینکر پر شدید برہم ، انٹرویو ادھورا چھوڑ دیا

امریکی صدر ڈونلڈ ٹرمپ نے امریکی نشریاتی ادارے این بی سی کو دیے گئے ایک انٹرویو کے دوران اچانک گفتگو ختم کر دی اور انٹرویو ادھورا چھوڑ کر چلے گئے۔

یہ واقعہ اس وقت پیش آیا جب این بی سی کی اینکر کرسٹن ویلکر نے ان سے 2020 کے صدارتی انتخاب اور متنازعہ مالیاتی فنڈ سے متعلق سوالات کیے۔

انٹرویو میں ٹرمپ نے اپنے مؤقف کا دفاع کرتے ہوئے دعویٰ کیا کہ ان کے خلاف سیاسی انتقامی کارروائیاں کی گئیں، جبکہ انہوں نے سابق انتظامیہ پر بھی سخت تنقید کی۔

بحث اس وقت شدت اختیار کر گئی جب اینکر نے ان کے دعوؤں پر مزید سوالات کیے، جس پر ٹرمپ نے برہمی کا اظہار کرتے ہوئے گفتگو ختم کر دی۔

ٹرمپ نے انٹرویو کے اختتام پر این بی سی کو جانبدار قرار دیتے ہوئے کہا کہ وہ مزید سوالات کا جواب نہیں دیں گے۔