راولاکوٹ میں عوامی ایکشن کمیٹی کے مسلح افراد کی فائرنگ، 4 اہلکار جاں بحق، آئی جی

راولاکوٹ میں عوامی ایکشن کمیٹی کے مسلح افراد کی فائرنگ کے نتیجے میں قانون نافذ کرنے والے ادارے کے4 اہلکار جاں بحق ہوگئے۔

ترجمان انسپکٹر جنرل پولیس آزاد کشمیر کے مطابق واقعے میں فائرنگ کرنے والے افراد نے سیکیورٹی اہلکاروں کو نشانہ بنایا۔

ترجمان کا کہنا ہے کہ زخمی اہلکاروں کو فوری طور پر قریبی اسپتال منتقل کیا گیا جہاں انہیں طبی امداد فراہم کی جا رہی ہے۔

آئی جی آزاد کشمیر نے واقعے کی مذمت کرتے ہوئے کہا کہ اہلکاروں کو منظم انداز میں نشانہ بنایا گیا، جس کی مکمل تحقیقات کی جا رہی ہیں۔

سیکیورٹی اداروں کی جانب سے علاقے میں سرچ آپریشن شروع کر دیا گیا ہے جبکہ صورتحال پر قابو پانے کے لیے اضافی نفری تعینات کر دی گئی ہے۔