مصنوعی ذہانت نے پہلی بار انسانی انٹرنیٹ ٹریفک کو پیچھے چھوڑ دیا

کلاؤڈ ہوسٹنگ کمپنی کلاؤڈ فلیئر کی تازہ رپورٹ میں انکشاف کیا گیا ہے کہ مصنوعی ذہانت کے ایجنٹس نے پہلی بار تاریخ میں انٹرنیٹ پر انسانی ٹریفک کو پیچھے چھوڑ دیا ہے۔

رپورٹ کے مطابق خودکار نظاموں اور مصنوعی ذہانت کے استعمال میں غیر معمولی اضافہ ہوا ہے، جس کے نتیجے میں مجموعی انٹرنیٹ ٹریفک کا 57 اعشاریہ 4 فیصد حصہ مشینوں پر مشتمل ہو گیا ہے، جبکہ انسانی ٹریفک کم ہو کر 42 اعشاریہ 6 فیصد رہ گئی ہے۔

کمپنی کے چیف ایگزیکٹو آفیسر کے مطابق یہ تبدیلی توقع سے کہیں زیادہ تیزی سے سامنے آئی ہے۔ ان کا کہنا ہے کہ ابتدائی اندازہ تھا کہ یہ صورتحال 2027 کے آخر یا 2028 کے آغاز تک ممکن ہوگی، تاہم یہ پیش رفت اس سے پہلے ہی مکمل ہو گئی ہے۔

ماہرین کے مطابق یہ رجحان ظاہر کرتا ہے کہ مصنوعی ذہانت اور خودکار نظام تیزی سے ڈیجیٹل دنیا پر اثر انداز ہو رہے ہیں۔