کوئٹہ میں تیزاب گردی کا شکار لیڈی ڈاکٹر کی حالت میں بہتری، حالت خطرے سے باہر

کوئٹہ میں تیزاب گردی کا شکار لیڈی ڈاکٹر ماہ نور کی طبی حالت میں بہتری آنا شروع ہو گئی ہے اور وہ اب خطرے سے باہر قرار دی جا رہی ہیں۔

ذرائع بلوچستان حکومت کے مطابق متاثرہ ڈاکٹر کی حالت مستحکم ہے اور ان کی تمام اہم جسمانی اعضا محفوظ ہیں۔

ذرائع کا کہنا ہے کہ نجی اسپتال میں ماہر ڈاکٹروں پر مشتمل ٹیم نے متاثرہ لیڈی ڈاکٹر کا تفصیلی معائنہ کیا ہے، جبکہ ان کا علاج مسلسل جاری ہے۔

مزید بتایا گیا ہے کہ دونوں آنکھوں کے کارنیا پر معمولی اثرات ضرور موجود ہیں، تاہم بینائی مکمل طور پر محفوظ ہے۔

ماہر امراض چشم کی زیر نگرانی علاج جاری ہے جبکہ حکومت بلوچستان کی جانب سے پلاسٹک سرجری اور دیگر ماہرین پر مشتمل ٹیمیں بھی طبی عملے کے ساتھ رابطے میں ہیں تاکہ بہترین علاج یقینی بنایا جا سکے۔