گلگت بلتستان میں انتخابی میدان گرم، 24 نشستوں پر پولنگ جاری
Web Desk
7 June 2026
گلگت بلتستان میں اسمبلی کی 24 نشستوں کے لیے پولنگ کا عمل جاری ہے اور خطے کا سیاسی مستقبل آج کے ووٹ سے طے ہوگا۔
انتخابات کے لیے پولنگ بغیر کسی وقفے کے شام 5 بجے تک جاری رہے گی، جبکہ ووٹ ڈالنے کے آغاز سے قبل ہی عوام میں غیر معمولی جوش و خروش دیکھا گیا اور شہری بڑی تعداد میں پولنگ اسٹیشنز پر پہنچ گئے۔
الیکشن کمیشن کے مطابق تمام اضلاع میں مجموعی طور پر 1391 پولنگ اسٹیشنز قائم کیے گئے ہیں، جن میں سے 349 کو حساس اور 551 کو انتہائی حساس قرار دیا گیا ہے۔
اسمبلی کی 24 نشستوں کے لیے 400 سے زائد امیدوار میدان میں ہیں جبکہ مجموعی طور پر 9 لاکھ 58 ہزار سے زائد ووٹرز حق رائے دہی استعمال کر رہے ہیں۔
سیاسی جماعتوں میں پاکستان پیپلز پارٹی کے 23، مسلم لیگ ن کے 22، استحکام پاکستان پارٹی کے 15، پاکستان مسلم لیگ کے 11 اور جمعیت علماء اسلام کے 9 امیدوار حصہ لے رہے ہیں۔ اسی طرح ایم ڈبلیو ایم کے 7، جماعت اسلامی اور ایم کیو ایم کے 6، 6 امیدوار بھی انتخابی دوڑ میں شامل ہیں جبکہ 266 آزاد امیدوار بھی قسمت آزمائی کر رہے ہیں۔
امن و امان برقرار رکھنے کے لیے سیکیورٹی کے سخت انتظامات کیے گئے ہیں۔ مقامی پولیس، گلگت بلتستان اسکاؤٹس اور پنجاب پولیس کی بھاری نفری تعینات ہے جبکہ مختلف علاقوں میں فلیگ مارچ بھی کیا گیا۔
چند اہم حلقوں میں سخت مقابلے کی توقع ہے، جن میں گلگت کے حلقوں میں پاکستان پیپلز پارٹی، مسلم لیگ ن، استحکام پاکستان پارٹی اور آزاد امیدواروں کے درمیان کانٹے دار مقابلہ متوقع ہے، جبکہ دیامر، غذر اور استور کے حلقے بھی خاص اہمیت اختیار کر گئے ہیں۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026