LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار نظام کی اصلاح اور قومی فیصلوں کا اختیار عوام کا ہے: طارق فضل چوہدری سندھ کے شہری علاقوں کے عوام غلام نہیں: خالد مقبول صدیقی حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات

اسلام آباد: امریکا کے 250 ویں یومِ آزادی کا جشن، سفارتخانے میں رنگا رنگ تقریب کا انعقاد

Web Desk

7 June 2026

اسلام آباد میں امریکا کی آزادی کے 250 سال مکمل ہونے کے موقع پر امریکی مشن پاکستان کے زیر اہتمام ’’فریڈم 250‘‘ کے عنوان سے ایک شاندار اور پروقار تقریب منعقد کی گئی، جس میں امریکی جمہوریت کے ڈھائی صدیوں پر محیط سفر اور پاکستان و امریکا کے درمیان دیرینہ تعلقات کو خراجِ تحسین پیش کیا گیا۔

یہ تقریب امریکا کے 250 ویں یومِ آزادی کی مناسبت سے دنیا بھر میں جاری سال بھر کی تقریبات کا حصہ تھی، جس کا مقصد آزادی، جمہوریت اور بین الاقوامی شراکت داری کے فروغ کو اجاگر کرنا ہے۔

تقریب میں پاکستان کے مختلف شعبہ ہائے زندگی سے تعلق رکھنے والی نمایاں شخصیات نے شرکت کی، جن میں سرکاری حکام، کاروباری شخصیات، سول سوسائٹی کے نمائندے، ماہرین تعلیم، ثقافتی شخصیات اور دیگر معزز مہمان شامل تھے۔

تقریب سے خطاب کرتے ہوئے پاکستان میں امریکا کی ناظم الامور نیٹلی بیکر نے کہا کہ امریکا کی آزادی کے 250 سال مکمل ہونا صرف ایک تاریخی سنگِ میل نہیں بلکہ ان مشترکہ اقدار کا جشن بھی ہے جو پاکستان اور امریکا کو ایک دوسرے کے قریب لاتی ہیں۔

انہوں نے کہا کہ آج امریکا کی آزادی کے ڈھائی سو سال مکمل ہونے کے ساتھ ساتھ دونوں ممالک کے عوام کے درمیان دوستی کے 80 سال بھی منائے جا رہے ہیں۔ ان کا کہنا تھا کہ پاکستان اور امریکا کے تعلقات باہمی احترام، مشترکہ مفادات اور بہتر مستقبل کی تعمیر کے عزم پر قائم ہیں۔

نیٹلی بیکر نے کہا کہ دونوں ممالک کی بہترین کامیابیاں صرف ماضی کا حصہ نہیں بلکہ وہ منزل بھی ہیں جس کی جانب پاکستان اور امریکا مل کر آگے بڑھ رہے ہیں۔

تقریب کے دوران امریکی میرین کور کے کلر گارڈ نے پرچم پیش کیے جبکہ پاکستان اور امریکا کے قومی ترانے بھی بجائے گئے۔ بعد ازاں امریکی فضائیہ کی سینٹرل کمانڈ کے بینڈ نے موسیقی کی دلکش دھنیں پیش کرکے شرکا کو محظوظ کیا۔

تقریب کے اختتام پر شاندار آتش بازی کا مظاہرہ کیا گیا جس سے اسلام آباد کی فضائیں روشن ہو گئیں۔ یہ منظر امریکا کی 250 ویں سالگرہ کے جشن کے ساتھ ساتھ پاکستان اور امریکا کے درمیان روشن مستقبل کی علامت بھی قرار دیا گیا۔

واضح رہے کہ ’’فریڈم 250‘‘ امریکا کے اعلانِ آزادی پر دستخط کے 250 سال مکمل ہونے کی مناسبت سے دنیا بھر میں امریکی سفارتخانوں اور قونصل خانوں کے زیر اہتمام جاری تقریبات کا حصہ ہے، جبکہ صدر ڈونلڈ ٹرمپ اس قومی جشن کو امریکا کی عظمت کے نئے دور سے تعبیر کر چکے ہیں۔