آزاد جموں و کشمیر: کالعدم عوامی ایکشن کمیٹی کے 72 کارکن گرفتار
Web Desk
6 June 2026
آزاد جموں و کشمیر میں کالعدم قرار دی گئی عوامی ایکشن کمیٹی کے خلاف کارروائی کے دوران 72 افراد کو گرفتار کر لیا گیا ہے، جبکہ ان کے قبضے سے اسلحہ، مواصلاتی آلات اور مشتبہ دستاویزات بھی برآمد ہونے کا دعویٰ کیا گیا ہے۔
ترجمان پولیس کے مطابق گرفتار افراد کے خلاف قانونی کارروائی کا آغاز کر دیا گیا ہے اور امن و امان کی صورتحال برقرار رکھنے کے لیے ضروری اقدامات کیے جا رہے ہیں۔
پولیس ترجمان کا کہنا ہے کہ کالعدم تنظیم کے بعض عناصر عوامی مسائل کی آڑ میں ریاست میں امن و امان خراب کرنے کی کوشش کر رہے تھے، تاہم قانون نافذ کرنے والے ادارے ایسی کسی سرگرمی کی اجازت نہیں دیں گے۔
ادھر نو جون کو دی گئی ہڑتال کی کال کے باعث آزاد کشمیر کے مختلف علاقوں میں معمولات زندگی متاثر ہوئے ہیں جبکہ بعض شہروں میں انٹرنیٹ سروس بھی معطل رہی۔ مظفرآباد، باغ اور میرپور میں امن و امان کی صورتحال کے پیش نظر فلیگ مارچ بھی کیا گیا۔
بازار بند ہونے کے خدشات کے باعث شہریوں کی بڑی تعداد خریداری میں مصروف رہی جبکہ متعدد علاقوں میں پیٹرول کی قلت کی اطلاعات بھی سامنے آئیں، جس کے باعث پمپوں پر گاڑیوں کی طویل قطاریں دیکھی گئیں۔
حکام کا کہنا ہے کہ عوام کی جان و مال کے تحفظ اور امن کے قیام کے لیے تمام ضروری قانونی اقدامات جاری رہیں گے۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026