امن و سلامتی کو نقصان پہچانے کا الزام، جموں کشمیر جوائنٹ عوامی ایکشن کمیٹی کالعدم قرار
Web Desk
5 June 2026
مظفرآباد: آزاد کشمیر حکومت نے جموں کشمیر جوائنٹ عوامی ایکشن کمیٹی کو کالعدم تنظیم قرار دیتے ہوئے اس حوالے سے باضابطہ نوٹیفکیشن جاری کر دیا۔
محکمہ داخلہ آزاد کشمیر کی جانب سے جاری نوٹیفکیشن کے مطابق جموں کشمیر ایکشن کمیٹی اور جوائنٹ عوامی ایکشن کمیٹی کو فرسٹ شیڈول میں شامل کر لیا گیا ہے، جبکہ عوامی ایکشن کمیٹی کے نام سے سرگرم تنظیم کو بھی کالعدم تنظیموں کی فہرست میں شامل کیا گیا ہے۔
نوٹیفکیشن میں کہا گیا ہے کہ تنظیم کو انسدادِ دہشت گردی ایکٹ 2014 کے تحت کالعدم قرار دیا گیا ہے۔ صدر آزاد کشمیر نے تنظیم کے خلاف کارروائی کی منظوری دی، جبکہ متعلقہ اداروں کی جانب سے تنظیم کے خلاف امن و امان کو نقصان پہنچانے کے شواہد فراہم کیے گئے۔
محکمہ داخلہ کے مطابق مذکورہ تنظیم ریاست میں انتشار پھیلانے، عوام میں خوف و ہراس پیدا کرنے اور معاشرتی عدم تحفظ کے احساس کو فروغ دینے میں ملوث پائی گئی ہے۔ تنظیم پر نفرت انگیزی اور امن عامہ متاثر کرنے کے الزامات بھی عائد کیے گئے ہیں۔
حکومت نے نوٹیفکیشن میں تنظیم کے متبادل نام بھی شامل کیے ہیں اور واضح کیا ہے کہ کالعدم قرار دی گئی تنظیم کے خلاف قانون کے مطابق کارروائی عمل میں لائی جائے گی۔
یاد رہے کہ جوائنٹ عوامی ایکشن کمیٹی نے 9 جون کو ہڑتال کی کال دے رکھی تھی۔ اس سے قبل حکومت آزاد کشمیر نے خبردار کیا تھا کہ قانون ہاتھ میں لینے یا امن خراب کرنے کی کسی بھی کوشش کے خلاف سخت قانونی کارروائی کی جائے گی۔
حکومتی مؤقف کے مطابق کمیٹی کے 38 مطالبات میں سے 35 تسلیم کیے جا چکے ہیں، اس کے باوجود احتجاج پر اصرار عوامی مفاد کے بجائے سیاسی مقاصد کی عکاسی کرتا ہے۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026