سندھ میں حالیہ طوفانی بارشوں کی تباہی: 16 افراد جاں بحق اور 96 زخمی، پی ڈی ایم اے (PDMA) نے نقصانات کی رپورٹ جاری
Web Desk
4 June 2026
کراچی: صوبہ سندھ کے مختلف اضلاع میں حالیہ طوفانی بارشوں، شدید گرج چمک اور آسمانی بجلی گرنے کے واقعات نے بڑے پیمانے پر تباہی مچائی ہے، جس کے نتیجے میں متعدد جانی و مالی نقصانات رپورٹ ہوئے ہیں۔
پرووینشل ڈیزاسٹر مینجمنٹ اتھارٹی (PDMA) سندھ کے ڈائریکٹر جنرل (DG) سلمان شاہ نے صوبے میں ہونے والے جانی اور مالی نقصانات کی باقاعدہ تفصیلی رپورٹ جاری کر دی ہے۔ ڈی جی پی ڈی ایم اے سندھ کے مطابق، صوبے کے مختلف اضلاع میں حالیہ بارشوں کے باعث اب تک مجموعی طور پر 16 افراد جاں بحق جبکہ 96 افراد شدید زخمی ہو چکے ہیں۔رپورٹ میں ڈی جی سلمان شاہ کی جانب سے فراہم کردہ ضلعی اعداد و شمار درج ذیل ہیںشہید بینظیر آباد (نوابشاہ): حالیہ موسمی صورتحال سے سب سے زیادہ متاثرہ ضلع رہا، جہاں حادثات کے نتیجے میں 6 مرد اور 4 خواتین سمیت مجموعی طور پر 10 افراد جاں بحق اور 32 افراد زخمی ہوئے۔
کشمور میں مختلف حادثات کے باعث 2 مرد اور 1 عورت جاں بحق ہوئے جبکہ 9 افراد کے زخمی ہونے کی تصدیق کی گئی ہے۔گھوٹکی ضلع سے ایک عورت کے جاں بحق ہونے کی اطلاع ملی ہے، جبکہ یہاں سب سے زیادہ یعنی 54 افراد زخمی ہوئے ہیں۔ تھرپارکر کے صحرائی علاقے میں آسمانی بجلی گرنے کا افسوسناک واقعہ پیش آیا، جس کی زد میں آ کر ایک عورت جاں بحق ہو گئی۔ قمبر ضلع میں شدید بارش اور گرج چمک کے دوران پیش آنے والے حادثے میں ایک معمر خاتون جاں بحق ہو گئیں۔ڈی جی پی ڈی ایم اے سلمان شاہ نے بتایا کہ سندھ کے تمام متاثرہ اضلاع میں مقامی انتظامیہ کی جانب سے ریسکیو اور امدادی سرگرمیاں تیزی سے جاری ہیں اور متاثرہ علاقوں کی موجودہ صورتحال پر مسلسل اور گہری نظر رکھی جا رہی ہے۔
انہوں نے واضح کیا کہ متعلقہ ضلعی انتظامیہ اور تمام امدادی ادارے متاثرہ علاقوں میں گراؤنڈ پر موجود ہیں اور صورتحال کا مسلسل جائزہ لے رہے ہیں۔ مزید برآں، مستقبل میں کسی بھی متبادل ہنگامی صورتحال یا مزید بارشوں سے نمٹنے کے لیے تمام ضلعی ڈیزاسٹر مینجمنٹ اتھارٹیز (DDMAs) کو ہائی الرٹ رہنے کی سخت ہدایت جاری کر دی گئی ہے۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026
عدالت کا 15 روز میں نادرا ای بیلٹنگ کا عمل مکمل کرنے کا حکم
19 November 2026