نواز شریف آج گلگت بلتستان پہنچیں گے، انتخابی تیاریوں پر مشاورت ہوگی

پاکستان مسلم لیگ (ن) کے صدر نواز شریف آج گلگت بلتستان کا ایک روزہ دورہ کریں گے، جہاں وہ پارٹی رہنماؤں اور انتخابی امیدواروں سے اہم ملاقاتیں کریں گے۔

ذرائع کے مطابق دورے کے دوران نواز شریف گلگت بلتستان کے آئندہ انتخابات سے متعلق پارٹی کی تیاریوں کا جائزہ لیں گے اور انتخابی حکمت عملی پر مشاورت کریں گے۔

ملاقاتوں میں علاقے کی مجموعی سیاسی صورتحال، عوامی مسائل اور جاری ترقیاتی منصوبوں پر بھی تبادلہ خیال کیا جائے گا۔ پارٹی رہنما آئندہ انتخابات کے حوالے سے اپنی تجاویز اور سفارشات بھی پیش کریں گے۔

ذرائع کا کہنا ہے کہ نواز شریف تنظیمی امور، انتخابی مہم اور کارکنوں کی متحرک شمولیت کے حوالے سے اہم ہدایات بھی جاری کریں گے۔ دورے کو گلگت بلتستان میں مسلم لیگ (ن) کی انتخابی سرگرمیوں کے لیے اہم قرار دیا جا رہا ہے۔