پی ٹی آئی پارلیمانی اجلاس میں 52 ارکان کی شرکت، مخالفین کی کوششیں ناکام ہو گئیں: سہیل آفریدی
Web Desk
31 May 2026
پشاور: خیبرپختونخوا کی حکمران جماعت پاکستان تحریک انصاف کی پارلیمانی پارٹی کے اجلاس میں 92 میں سے 52 ارکان نے شرکت کی، جبکہ 40 ارکان اجلاس میں شریک نہ ہو سکے۔ اجلاس میں پارٹی کی اندرونی صورتحال، بانی چیئرمین عمران خان کی صحت اور آئندہ مالی سال کے بجٹ سے متعلق امور پر تفصیلی غور کیا گیا۔
وزیراعلیٰ خیبرپختونخوا سہیل آفریدی نے اجلاس سے خطاب کرتے ہوئے کہا کہ مخالفین مسلسل ارکان اسمبلی کو توڑنے اور پارٹی میں اختلافات پیدا کرنے کی کوشش کر رہے ہیں، تاہم ارکان کی بھرپور شرکت نے ان تمام کوششوں کو ناکام بنا دیا ہے۔
انہوں نے کہا کہ منفی مہمات کے باوجود ارکان اسمبلی کی بڑی تعداد میں موجودگی اس بات کا ثبوت ہے کہ تمام منتخب نمائندے عمران خان کے نظریے اور قیادت پر متحد ہیں۔
سہیل آفریدی نے اعلان کیا کہ وہ منگل کو بانی چیئرمین عمران خان سے ملاقات کے لیے اڈیالہ جیل جائیں گے۔ انہوں نے دعویٰ کیا کہ عمران خان کی صحت تشویشناک ہے اور ان کی ایک آنکھ کی بینائی شدید متاثر ہوئی ہے، جبکہ انہیں اپنی پسند کے ڈاکٹروں سے معائنہ کرانے کی اجازت بھی نہیں دی جا رہی۔
اجلاس میں آئندہ مالی سال کے بجٹ پر بھی گفتگو کی گئی۔ وزیراعلیٰ نے کہا کہ صوبائی حکومت عوامی فلاح اور انسانی ترقی کو ترجیح دیتے ہوئے عوام دوست بجٹ پیش کرے گی، جس میں ترقیاتی منصوبوں کے ذریعے عمران خان کے وژن کی عکاسی کی جائے گی۔
اجلاس کے دوران پارٹی کے اندر موجود اختلافات اور سیاسی صورتحال سے متعلق مرکزی قیادت اور علیمہ بی بی کو آگاہ کرنے کا بھی فیصلہ کیا گیا۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026