پارٹی کے اندر اور باہر سے سازشیں ہورہی ہیں ، عمران خان کی حکومت نہیں گر سکتی: سہیل آفریدی
Web Desk
31 May 2026
وزیراعلیٰ خیبرپختونخوا محمد سہیل آفریدی نے پارلیمانی واٹس ایپ گروپ میں اراکین اسمبلی کو بھیجے گئے اپنے پیغام میں دعویٰ کیا ہے کہ پارٹی کے اندر موجود ایک “جرنیل” نے پارٹی سے باہر موجود ایک “جرنیل” کو یقین دہانی کرائی ہے کہ وہ حکومت کے خلاف مطلوبہ حمایت فراہم کرے گا۔
وزیراعلیٰ نے کہا کہ بعض عناصر پارلیمانی اجلاس کو ناکام بنانے کی کوشش کر رہے ہیں، جبکہ پارٹی کے اندر موجود ایک شخص نے ستائیس اراکین اسمبلی کی حمایت حاصل ہونے کا دعویٰ بھی کیا ہے۔
سہیل آفریدی کے مطابق اندرونی سطح پر بعض افراد عمران خان کی حکومت گرانے کے لیے سرگرم ہیں، تاہم ایسی تمام کوششیں ناکام ہوں گی۔ انہوں نے کہا کہ کسی کا باپ بھی عمران خان کی حکومت نہیں گرا سکتا اور اگر دنیا کی تمام اسٹیبلشمنٹ بھی اکٹھی ہو جائے تو حکومت کو ہلا نہیں سکتی۔
وزیراعلیٰ نے اراکین اسمبلی کو ہدایت کی کہ وہ تمام مصروفیات ترک کرکے آج شام سات بجے وزیراعلیٰ ہاؤس میں ہونے والے اہم اجلاس میں شرکت یقینی بنائیں۔
انہوں نے کہا کہ پارٹی کے اندر سازشوں کی اطلاعات موجود ہیں اور اجلاس کی کامیابی بعض لوگوں کو قبول نہیں، تاہم تمام اراکین متحد رہیں اور کسی بھی قسم کے دباؤ یا پروپیگنڈے کا شکار نہ ہوں۔
سہیل آفریدی نے اس عزم کا اظہار کیا کہ عمران خان کی حکومت کے خلاف ہونے والی تمام سازشیں ناکام ہوں گی اور پارٹی قیادت کے فیصلوں کے مطابق آگے بڑھا جائے گا۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026