شکیرا کے فیفا ورلڈ کپ 2026 گانے کی ویڈیو جاری، میسی اور امباپے سمیت عالمی ستارے شامل

معروف لاطینی پاپ گلوکارہ شکیرا کے فیفا ورلڈ کپ 2026 کے آفیشل گانے “ڈائی ڈائی” کی شاندار ویڈیو جاری کر دی گئی ہے، جس کا فٹ بال اور موسیقی کے شائقین کو بے صبری سے انتظار تھا۔

گانے کی ویڈیو میں نائجیرین سپر اسٹار برنا بوائے بھی جلوہ گر ہیں، جبکہ عالمی فٹ بال ستاروں لیونل میسی، ارلنگ ہالینڈ، کیلیان مباپے اور ہیری کین نے ویڈیو کو مزید دلکش بنا دیا ہے۔

فٹ بال کی عالمی تنظیم فیفا کے مطابق 2026 کا ورلڈ کپ 11 جون سے شروع ہو کر 19 جولائی تک جاری رہے گا۔

رواں بار ورلڈ کپ میں حصہ لینے والی ٹیموں کی تعداد 32 سے بڑھا کر 48 کر دی گئی ہے، جس کے باعث یہ ٹورنامنٹ ماضی کے مقابلے میں زیادہ طویل اور بڑا ہوگا۔

گانے کی ویڈیو جاری ہوتے ہی سوشل میڈیا پر شائقین کی جانب سے بھرپور ردعمل سامنے آ رہا ہے۔