رواں برس خطبۂ حج مسجد نبوی ﷺ کے امام و خطیب شیخ علی الحذیفی دیں گے

رواں برس خطبۂ حج مسجد نبوی ﷺ کے امام و خطیب شیخ ڈاکٹر علی الحذیفی دیں گے۔

عرب میڈیا کے مطابق ادارہ امور حرمین شریفین نے اعلان کیا ہے کہ مسجد نبوی ﷺ کے امام و خطیب شیخ علی الحذیفی منگل 26 مئی، 9 ذی الحج 1447 ہجری کو میدان عرفات کی مسجد نمرہ میں خطبۂ حج ارشاد فرمائیں گے۔

عرب میڈیا کے مطابق شیخ علی الحذیفی کا شمار نہ صرف سعودی عرب بلکہ دنیا بھر کے ممتاز قراء میں ہوتا ہے۔وہ اس سے قبل مسجد قبا اور مسجد الحرام میں بھی امامت و خطابت کے فرائض انجام دے چکے ہیں۔

خیال رہے کہ سعودی عرب میں ذی الحج کے بابرکت مہینے کا آغاز ہو چکا ہے، جبکہ مناسک حج کا اہم ترین رکن وقوف عرفہ 26 مئی کو ادا کیا جائے گا۔ عید الاضحیٰ بدھ 27 مئی 2026 کو متوقع ہے۔