امریکا کے شہر سین ڈیاگو کی مسجد میں فائرنگ، ایک شخص جاں بحق، متعدد زخمی

امریکا کی ریاست کیلیفورنیا کے شہر سین ڈیاگو میں ایک مسجد کے اندر فائرنگ کا افسوسناک واقعہ پیش آیا ہے جس کے نتیجے میں ایک شخص جاں بحق جبکہ متعدد افراد زخمی ہوگئے۔

پولیس حکام کے مطابق واقعے کے بعد صورتحال پر قابو پالیا گیا ہے اور علاقے کو سیکیورٹی حصار میں لے لیا گیا ہے۔

سین ڈیاگو کے میئر ٹوڈ گلوریا نے واقعے کی تصدیق کرتے ہوئے شہریوں سے اپیل کی ہے کہ وہ اسلامک سینٹر کے اطراف جانے سے گریز کریں۔

مقامی انتظامیہ کے مطابق یہ مسجد علاقے کا سب سے بڑا اسلامی مرکز ہے جہاں پانچ وقت کی نمازوں کے علاوہ مذہبی تقریبات، سیمینار اور دیگر اجتماعات بھی منعقد ہوتے ہیں۔

غیر ملکی میڈیا کے مطابق ابھی تک یہ واضح نہیں ہو سکا کہ حملہ آور مسجد کے اندر داخل ہوا تھا یا نہیں، جبکہ زخمیوں کی شناخت بھی ظاہر نہیں کی گئی ہے۔