دورہ چین: جاسوسی کے خدشات،  امریکی حکام ذاتی موبائل فون اور کمپیوٹر ساتھ نہیں لائے

ڈونلڈ ٹرمپ کے دورہ چین کے دوران امریکی وفد کے ارکان سخت سائبر سکیورٹی خدشات میں مبتلا دکھائی دیے، کئی اعلیٰ حکام اپنے ذاتی موبائل فون اور کمپیوٹر ساتھ لے کر ہی نہیں گئے۔

امریکی میڈیا رپورٹس کے مطابق صدر ٹرمپ کے ہمراہ چین جانے والے اعلیٰ سطح کے وفد کو خدشہ تھا کہ چینی سکیورٹی نظام ان کے ذاتی آلات تک رسائی حاصل کرکے حساس معلومات حاصل کرسکتا ہے۔

رپورٹس میں بتایا گیا ہے کہ بعض امریکی حکام محدود سہولیات والے خصوصی فون استعمال کرنے پر مجبور ہوئے، تاہم ان فونز کو چارج کرتے وقت بھی شدید احتیاط برتی گئی کیونکہ انہیں خطرہ تھا کہ کہیں آلات میں خفیہ سافٹ ویئر یا ڈیٹا چوری کا نظام نصب نہ کردیا جائے۔

ذرائع کے مطابق امریکی وفد میں شامل کاروباری شخصیات اور بڑی کمپنیوں کے نمائندوں نے بھی سخت حفاظتی اقدامات اپنائے۔ کھربوں ڈالر مالیت رکھنے والی معروف امریکی کمپنیوں Apple، Boeing اور BlackRock کے نمائندے بھی چین میں ڈیجیٹل سکیورٹی کے معاملے پر غیرمعمولی محتاط رہے۔