امریکی و اماراتی صدور کے درمیان ٹیلیفونک رابطہ، علاقائی صورتحال پر گفتگو

متحدہ عرب امارات کے صدر شیخ محمد بن زاید النہیان اور امریکی صدر ڈونلڈ ٹرمپ کے درمیان ایک اہم ٹیلیفونک رابطہ ہوا ہے جس میں دونوں رہنماؤں نے مشرقِ وسطیٰ کی تازہ ترین صورتحال اور اہم علاقائی پیش رفت پر تفصیلی تبادلہ خیال کیا۔ اماراتی خبر رساں ایجنسی ‘وام’ کے مطابق اس گفتگو کے دوران دونوں ممالک کے درمیان اسٹریٹجک تعاون کو مزید وسعت دینے اور دوطرفہ تعلقات کو مستحکم کرنے کے طریقوں پر غور کیا گیا۔ دونوں صدور نے اس بات پر زور دیا کہ خطے میں پائیدار امن، استحکام اور سلامتی کے قیام کے لیے باہمی تعاون کو فروغ دینا وقت کی ضرورت ہے۔ ملاقات میں باہمی مفادات کے تحفظ اور مختلف شعبوں میں شراکت داری کو نئی بلندیوں تک لے جانے کے عزم کا بھی اعادہ کیا گیا۔