ایران سے جنگ کی قیمت، امریکی معیشت پر دباؤ، مہنگائی 3سال کی بلندترین سطح پر

ایران کے ساتھ جنگ کے باعث امریکا میں مہنگائی میں نمایاں اضافہ دیکھاجارہاہے۔پیٹرول کی بڑھتی قیمتیں امریکی معیشت کےلیے سنگین خطرہ بن گئیں۔

امریکی محکمہ محنت کے اعداد و شمار کے مطابق اپریل میں ختم ہونے والے مالی سال کے دوران کنزیومرپرائس انڈیکس کی شرح  شرح 3.8 فیصد تک پہنچ گئی، جو مارچ میں 3.3 فیصد اور فروری میں 2.4 فیصد تھی۔

رپورٹ کے مطابق اپریل میں مہنگائی میں ماہانہ بنیاد پر 0.6 فیصد اضافے کی بڑی وجہ توانائی کی بڑھتی قیمتیں تھیں۔

صرف گزشتہ ماہ امریکا میں پیٹرول کی قیمتوں میں 5.4 فیصد اضافہ ریکارڈ کیا گیا، جبکہ گزشتہ ایک سال کے دوران یہ تقریباً 30 فیصد بڑھ چکی ہیں۔