ملک بھر کے 79 اضلاع میں خصوصی انسدادِ پولیو مہم کا فیصلہ، پاکستان اور افغانستان میں بیک وقت آغاز ہوگا

نیشنل ایمرجنسی آپریشن سینٹر (EOC) نے ملک بھر کے 79 مخصوص اضلاع میں خصوصی انسدادِ پولیو مہم شروع کرنے کا اعلان کیا ہے۔ یہ مہم 18 مئی سے شروع ہو کر 24 مئی تک جاری رہے گی، جس کی خاص بات یہ ہے کہ اسے پاکستان اور افغانستان میں بیک وقت منعقد کیا جائے گا تاکہ وائرس کے سرحد پار پھیلاؤ کو روکا جا سکے۔ مہم کے دوران مجموعی طور پر ایک کروڑ 90 لاکھ بچوں کو پولیو سے بچاؤ کے قطرے پلائے جائیں گے، جس کے لیے ایک لاکھ 60 ہزار سے زائد ورکرز کو تعینات کیا گیا ہے۔

صوبائی اہداف کی تفصیلات:

پنجاب: 10 مخصوص اضلاع میں 61 لاکھ 90 ہزار بچوں کی ویکسینیشن۔

سندھ: 20 اضلاع میں 57 لاکھ 90 ہزار بچوں کو قطرے پلائے جائیں گے۔

خیبر پختونخوا: 23 اضلاع میں 46 لاکھ 10 ہزار بچوں کا ہدف۔

بلوچستان: 25 اضلاع میں 19 لاکھ 90 ہزار بچوں کو کور کیا جائے گا۔

اسلام آباد: وفاقی دارالحکومت میں 4 لاکھ 50 ہزار بچوں کو حفاظتی قطرے پلائے جائیں گے۔