امریکا کی خلیج عمان میں ناکہ بندی، ایران کو تیل کی آمدن میں بھاری نقصان

امریکی محکمۂ دفاع کے مطابق 13 اپریل سے خلیجِ عمان میں شروع کی گئی امریکی بحری ناکہ بندی کے نتیجے میں ایران کو اب تک تقریباً 4.8 ارب ڈالر کا مالی نقصان اٹھانا پڑا ہے۔ پینٹاگون حکام کا کہنا ہے کہ امریکی فوج نے کارروائی کرتے ہوئے ایران کا تیل لے جانے والے 40 سے زائد بحری جہازوں کا رخ موڑ دیا ہے، جبکہ 31 آئل ٹینکرز جن میں 5 کروڑ 30 لاکھ بیرل تیل موجود ہے، تاحال خلیج میں پھنسے ہوئے ہیں۔ رپورٹ کے مطابق ایران کو زمینی ذخیرہ گاہوں (Storage) کی کمی کا سامنا ہے جس کی وجہ سے وہ پرانے ٹینکرز کو عارضی اسٹوریج کے طور پر استعمال کرنے پر مجبور ہے، جبکہ امریکی کارروائی سے بچنے کے لیے ایرانی جہازوں کو چین تک پہنچنے کے لیے طویل اور مہنگے راستے اختیار کرنے پڑ رہے ہیں۔