ایران قیادت کمزورہوچکی، موجودہ صورتحال سے نکلنے کےلیےسنجیدہ ہے، امریکی وزیرخارجہ

امریکی وزیرخارجہ مارکوروبیونے کہاہے کہ ایرانی قیادت کمزورہوچکی ہے اور ممکنہ طورپر مزید وقت حاصل کرنے کی کوشش کررہی ہے۔

ایک امریکی ٹی وی کوانٹرویو میں انہوں نے کہا کہ ایرانی مذاکرات کار امریکا کے ساتھ معاہدہ کرنے کے حوالے سے سنجیدہ دکھائی دیتے ہیں۔ایرانی حکام موجودہ صورتحال سے نکلنے کے لیے سنجیدگی سے راستہ تلاش کر رہے ہیں۔

مارکو روبیو کے مطابق ایران کو معاشی مشکلات کا سامنا ہے، جہاں تنخواہوں کی ادائیگی میں دشواریاں ہیں اور معیشت جمود کا شکار ہے، جبکہ ملک پر عالمی سطح پر سخت اقتصادی پابندیاں بھی عائد ہیں۔

انہوں نے مزید دعویٰ کیا کہ ایران کی عسکری صلاحیتیں بھی متاثر ہوئی ہیں اور ملک پہلے کے مقابلے میں کمزور ہو چکا ہے۔