میرے پاس وقت ہے، ایران کے پاس نہیں، امریکی صدر ٹرمپ کا سخت مؤقف

امریکا کے صدر ڈونلڈ ٹرمپ نے ایران کے حوالے سے سخت بیان دیتے ہوئے کہا ہے کہ ان کے پاس وقت موجود ہے لیکن ایران کے پاس نہیں، کیونکہ وقت تیزی سے گزر رہا ہے۔

اپنے بیان میں صدر ٹرمپ نے دعویٰ کیا کہ ایرانی بحریہ کو شدید نقصان پہنچا ہے اور وہ سمندر کی تہہ میں جاچکی ہے، جبکہ ایرانی فضائیہ بھی تباہ ہوچکی ہے۔ ان کا کہنا تھا کہ ایران کے فضائی دفاعی نظام اور ریڈار کو بھی ختم کردیا گیا ہے۔

انہوں نے واضح کیا کہ کسی بھی معاہدے کی صورت میں وہی قابل قبول ہوگا جو امریکا، اس کے اتحادیوں اور عالمی مفاد کیلئے بہتر ہو۔ صدر ٹرمپ نے اس تاثر کو بھی مسترد کیا کہ وہ جنگ کے خاتمے کیلئے دباؤ میں ہیں۔

ان کا مزید کہنا تھا کہ وہ اس منصب پر رہتے ہوئے سب سے کم دباؤ میں رہنے والے صدر ہیں اور تمام فیصلے مکمل اعتماد کے ساتھ کر رہے ہیں۔