امریکی وزیر نیوی جان سی فیلن اچانک مستعفی، فوری طور پر عہدہ چھوڑ دیا

واشنگٹن میں پینٹاگون نے تصدیق کی ہے کہ امریکی وزیر بحریہ جان سی فیلن اپنے عہدے سے فوری طور پر مستعفی ہو گئے ہیں۔ ترجمان شان پرنل کے مطابق ان کے مستعفی ہونے کا اطلاق فوراً سے ہو گیا ہے تاہم اس فیصلے کی کوئی وجہ بیان نہیں کی گئی۔

جان سی فیلن کو صدر ڈونلڈ ٹرمپ نے نومبر دو ہزار چوبیس میں وزیر بحریہ نامزد کیا تھا۔ اس وقت ان پر یہ تنقید کی گئی تھی کہ ان کے پاس بحریہ، فوج، قومی سلامتی یا دفاعی صنعت سے متعلق براہ راست تجربہ موجود نہیں ہے۔

فروری دو ہزار پچیس میں انہوں نے سینیٹ کمیٹی کے سامنے پیشی دی، جس کے بعد مارچ دو ہزار پچیس میں انہیں بائیس کے مقابلے باسٹھ ووٹوں سے عہدے کی توثیق ملی۔

اب ان کے مستعفی ہونے کے بعد انڈر سیکریٹری ہنگ کاؤ کو قائم مقام وزیر بحریہ مقرر کر دیا گیا ہے۔ وزیر بحریہ امریکی بحریہ کے انتظامی، مالی اور پالیسی امور کا ذمہ دار ہوتا ہے۔

اس سے قبل بھی امریکی دفاعی اداروں میں اعلیٰ سطح پر تبدیلیوں کے واقعات سامنے آتے رہے ہیں۔