امریکا کا تجارتی جہاز پر قبضہ،ایران نے اقوام متحدہ میں شکایت درج کروا دی

خلیج عمان میں کشیدگی کی ایک نئی لہر اس وقت پیدا ہوئی ہے جب ایران نے امریکہ کی جانب سے اپنے ایک تجارتی جہاز پر قبضے اور عملے کو یرغمال بنانے کے خلاف اقوام متحدہ (UN) میں باقاعدہ شکایت درج کروا دی ہے۔ ایرانی وزارت خارجہ نے اس کارروائی کو “بین الاقوامی قوانین اور جنگ بندی معاہدے” کی کھلی خلاف ورزی قرار دیتے ہوئے اسے سمندری قزاقی اور دہشت گردی سے تشبیہ دی ہے۔ تہران نے عالمی برادری کو خبردار کیا ہے کہ اس قسم کے اقدامات کے نتائج انتہائی خطرناک ہو سکتے ہیں، جس کی تمام تر ذمہ داری امریکہ پر عائد ہوگی۔

ایران نے اقوام متحدہ کے سیکرٹری جنرل انتونیو گوتریس اور عالمی بحری تنظیم (IMO) سے فوری مداخلت کی اپیل کی ہے تاکہ جہاز اور اس کے عملے کی بحفاظت رہائی ممکن بنائی جا سکے۔