امریکی صدرکا آبنائے ہرمز مکمل کھولنے پر ایران کا شکریہ، بحری ناکہ بندی جاری رکھنے کا اعلان

امریکی صدر ڈونلڈ ٹرمپ نے آبنائے ہرمزدوبارہ کھولنے کے اعلان پر ایران سے اظہارتشکرکیاہے۔تاہم ساتھ ہی بحری ناکہ بندی جاری رکھنے کا بھی اعلان کردیا۔

ایران کی جانب سے آبنائے ہرمز کھولنے کے اعلان پرامریکی صدر نے سوشل میڈیاپر پہلے پیغام دیتے ہوئے لکھاکہ ایران نے  اعلان کیا ہے کہ آبنائے ہرمز مکمل طور پر کھلی ہے اور کاروبار و مکمل آمدورفت کے لیے تیار ہے۔ شکریہ!

اس پیغام کے تھوڑی دیر بعد ایک اور پوسٹ میں امریکی صدر نے کہاکہ ایران کی بحری ناکہ بندی پوری طاقت اور مؤثر انداز میں برقرار رہے گی  اور یہ اسی وقت تک جاری رہے گی جب تک ایران کے ساتھ ہمارا 100 فیصد معاہدہ نہیں ہوتا۔

ٹرمپ نے کہا کہ یہ عمل بہت تیزی سے مکمل ہونا چاہیے کیونکہ زیادہ تر نکات پہلے ہی طے پا چکے ہیں۔اس معاملے پر آپ کی توجہ کا شکریہ۔