اسلام آباد مذاکرات کے لیے مضبوط ٹیم بھیجی ہے، امریکی صدر ڈونلڈ ٹرمپ

امریکی صدر ڈونلڈ ٹرمپ نے کہا ہے کہ اسلام آباد میں ہونے والے مذاکرات کے لیے ایک مضبوط اور اچھی ٹیم بھیجی گئی ہے۔

صحافیوں سے گفتگو کرتے ہوئے امریکی صدر کا کہنا تھا کہ نائب صدر جے ڈی وینس، صدر کے داماد جیرڈ کشنر اور خصوصی نمائندہ اسٹیو وٹکوف اسلام آباد میں مذاکرات کے دوران ملاقاتیں کریں گے۔

انہوں نے کہا کہ آبنائے ہرمز بہت جلد مکمل طور پر کھل جائے گی اور ایران کے ساتھ ایسا معاہدہ بہتر ہوگا جس میں یہ یقینی بنایا جائے کہ ایران کے پاس ایٹمی ہتھیار نہ ہوں۔

دوسری جانب ایران کا اعلیٰ سطحی وفد پہلے ہی اسلام آباد پہنچ چکا ہے جبکہ امریکی نائب صدر جے ڈی وینس بھی مذاکرات میں شرکت کے لیے روانہ ہو چکے ہیں۔

امریکی وفد میں جے ڈی وینس، اسٹیو وٹکوف اور جیرڈ کشنر شامل ہوں گے جو اسلام آباد میں ایرانی قیادت سے ملاقات کریں گے۔