امریکی صدراوربرطانوی وزیراعظم کا ٹیلی فونک رابطہ، آبنائے ہرمزکی صورتحال پر گفتگو

برطانوی وزیراعظم کئیر اسٹارمر کا کہنا ہے امریکی صدر ڈونلڈ ٹرمپ کے ساتھ آبنائے ہرمزکی صورتحال پرگفتگو میں اہم فوجی اورلاجسٹک امور زیر بحث آئے۔

ٹین ڈاؤننگ اسٹریٹ کے مطابق برطانوی وزیراعظم کئیر اسٹارمر اورامریکی صدر کےدرمیان ج ٹیلیفونک رابطہ ہوا، دونوں رہنماؤں کے درمیان آبنائے ہرمز کو دوبارہ کھولنے کےمنصوبے پر تفصیلی گفتگو ہوئی، دونوں رہنماؤں نے اتفاق کیا کہ مسئلے کے حل کے اگلے مرحلے میں داخل ہوچکے ہیں، کئیر اسٹارمر نےخلیجی رہنماؤں اور فوجی ماہرین کے ساتھ اپنی مشاورت سے آگاہ کیا۔

کئیر اسٹارمر کا کہنا تھا آبنائے ہرمز میں جہازوں کی آزادانہ نقل و حرکت بحال کرنا انتہائی ضروری ہے، برطانیہ اس مقصد کے لیے شراکت دارممالک کو ایک قابلِ عمل منصوبے پرمتفق کرنےکی کوشش کررہا ہے۔