سابق گورنر پنجاب سردار ذوالفقار علی کھوسہ لاہور میں انتقال کر گئے

سابق گورنر پنجاب اور سینئر سیاستدان سردار ذوالفقار علی کھوسہ لاہور میں انتقال کر گئے۔ خاندانی ذرائع کے مطابق وہ کچھ عرصے سے لاہور کے ایک اسپتال میں زیرِ علاج تھے۔

اہل خانہ نے بتایا کہ سردار ذوالفقار علی کھوسہ کی عمر 90 سال تھی اور وہ گزشتہ چند دنوں سے علیل تھے۔

ذرائع کے مطابق ان کی نمازِ جنازہ کل ان کے آبائی شہر ڈیرہ غازی خان میں ادا کی جائے گی، جہاں انہیں سپردِ خاک بھی کیا جائے گا۔

سردار ذوالفقار علی کھوسہ طویل عرصہ ملکی سیاست میں متحرک رہے اور مختلف اہم عہدوں پر خدمات انجام دیں۔