آج رات ایک پوری تہذیب مٹ جائے گی جسے دوبارہ زندہ نہیں کیاجاسکے گا، ٹرمپ کی ایک اور دھمکی

آج رات ایک پوری تہذیب مٹ جائے گی جسے دوبارہ زندہ نہیں کیاجاسکے گا۔ امریکی صدر ڈونلڈ ٹرمپ کی ایران کو ایک اور دھمکی۔

امریکی صدر ڈونلڈ ٹرمپ نے ٹروتھ سوشل پر اپنی ایک پوسٹ میں لکھا کہ میں ایسا کرنا نہیں چاہتا لیکن شاید ایسا ہی ہوگا۔  اب ہمارے پاس ایران میں مکمل تبدیل شدہ حکومت اور مختلف، دانا اور کم انتہاپسند دماغ ہیں ۔اس صورت میں شاید کچھ زبردست اور انقلابی عمل دیکھنے میں آ جائے۔

ٹرمپ کا کہناتھاکہ ہمیں آج رات پتا چل جائے گا، یہ دنیا کی طویل اور پیچیدہ تاریخ کے سب سے اہم لمحات میں سے ایک ہے۔ 47 سالہ بھتہ خوری، بدعنوانی اور موت بالآخر آج اختتام کو پہنچے گی۔‘

خیال رہے اس سے قبل ٹرمپ نے ایران کو منگل  کی رات تک آبنائے ہرمز کھولنے کی ڈیڈلائن دی تھی۔