تابکاری کےاخراج سےایران کے علاوہ خلیجی ممالک میں بھی زندگیاں داؤ پرلگ جائیں گی،عباس عراقچی

ایرانی وزیرخارجہ عباس عراقچی نے کہاہے کہ حملے کی صورتحال میں ایرانی ایٹمی پلانٹ سے تابکاری کا اخراج ایران کے ساتھ ساتھ خلیجی ممالک میں بھی زندگیوں کو داؤ پر لگادے گا۔

سوشل میڈیاپرجاری بیان میں ایرانی وزیرخارجہ نے سوال کیاکہ کی آپ کو یوکرینی جوہری پاورپلانٹ کے قریب جھڑپوں پر مغربی دنیا کا غم و غصہ یاد ہے؟

ان کا کہنا تھا کہ امریکا اور  اسرائیل بوشہر  پلانٹ پر4مرتبہ بمباری کرچکے ہیں، اگر یہاں سے تابکاری کااخراج ہوا تو اس کے اثرات تہران نہیں بلکہ خلیجی ممالک کے دارالحکومتوں تک پہنچ کر زندگی کو تباہ کرسکتے ہیں، ہماری پیٹروکیمیکل تنصیبات پر حملے بھی اصل مقاصد کی نشاندہی کرتے ہیں۔