آپریشن وعدہ صادق 4 کی 92ویں لہر،ایران کا اسرائیل میں 50 مقامات کو نشانہ بنانے کا دعویٰ

ایرانی مسلح افواج نے آپریشن وعدہ صادق 4 کی 92ویں لہر کے دوران خطے اور مقبوضہ فلسطینی علاقوں میں امریکی اسٹریٹجک ریڈار سسٹمز اور بحری سازوسامان کو نشانہ بنا کر تباہ کرنے کا دعویٰ کیاہے۔

پاسدارانِ انقلاب کے شعبۂ تعلقات عامہ کے بیان کے مطابق جمعے کی صبح سے اس لہر کے تحت نیوی اور ایرو اسپیس فورس نے مشترکہ کارروائیوں میں بیلسٹک میزائلوں اور خودکش ڈرونز کے ذریعے متعدد اہداف کو نشانہ بنایا گیا۔

بیان میں کہا گیا کہ اس آپریشن کے پہلے مرحلے میں کویت کی بندرگاہ شویخ پر موجود امریکی لینڈنگ ایئرکرافٹ لینڈنگ یوٹیلیٹی جہازوں کو بیلسٹک میزائلوں سے تباہ کیاگیا۔

پاسدارانِ انقلاب کے مطابق جمعے کی صبح، گزشتہ رات کے حملوں کے تسلسل میں دو بیلسٹک میزائل داغ کر جنوب مشرقی حیفا میں واقع اسرائیلی رمات ڈیوڈ ائیر بیس کوبھی نشانہ بنایا گیا جہاں اسرائیلی ایف-16 لڑاکا طیاروں کے اسکواڈرن تعینات ہیں۔

بیان میں مزید کہا گیا کہ ایرو اسپیس فورس کی میزائل کارروائی کے تحت خرمشہر 4 ملٹی وارہیڈ میزائلوں کے ذریعے تل ابیب اور مقبوضہ علاقوں کے مرکزی حصوں میں 50 سے زائد مقامات کو نشانہ بنایا گیا۔