LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
پہلا ون ڈے، پاکستان نے آسٹریلیا کو 5 وکٹ سے ہرا دیا نیویارک حراستی مرکز کے باہر مظاہرے، پولیس اور مظاہرین میں جھڑپیں، آنسو گیس کا استعمال امریکا: میساچوسٹس کے تعلیمی اداروں میں ریچھ داخل، طلبہ کلاس رومز تک محدود رہے پاکستان ون ڈے کرکٹ میں 1000میچ کھیلنے والی تیسری ٹیم بن گئی وزیراعلیٰ نے ستھرا پنجاب ورکرز کیلئے 10ہزار فی کس انعام کا اعلان کیا ہے: مریم اورنگزیب پاکستان ایک مخلص دوست، ایران کے ساتھ اچھی ڈیل ہوگی: امریکی وزیر جنگ جیٹ فیول اور لائٹ ڈیزل آئل کی قیمتوں میں بڑی کمی، نوٹیفکیشن جاری آئی ایم ایف کا گاڑیوں اور سولر پینلز پر سیلز ٹیکس چھوٹ برقرار رکھنے سے انکار پاکستان کی شاندار کامیابی: مسلسل پانچویں سال بھی ایراسمس منڈس اسکالرشپ حاصل کرنے میں دنیا بھر میں پہلے نمبر پر برقرار امریکی صدر کے نام کی شمولیت غیر قانونی قرار: کینیڈی سینٹر بند کرنے کا ٹرمپ انتظامیہ کا فیصلہ امریکی عدالت نے معطل کر دیا حاجیوں کی وطن واپسی کے لیے سعودی عرب سے پروازوں کا آغاز کل ہوگا امریکا کا امیر ممالک کے دفاعی اخراجات کا مزید بوجھ اٹھانے سے انکار ملک بھر میں 74 لاکھ 70 ہزار جانور قربان کیے گئے، ٹینریز ایسوسی ایشن ٹیکس وصولی کے لیے ایف بی آر کے تمام دفاتر 30 مئی کو کھلے رہیں گے اسحاق ڈار اور مارکو روبیو کی واشنگٹن میں ملاقات، پاک امریکا تعاون مزید مضبوط بنانے پر اتفاق

فرانسیسی کمانڈر نے بھی بھارتی ناکامی کی تصدیق کر دی، مئی کی فضائی جھڑپ میں پاکستان فیصلہ کن برتری کا حامل

Web Desk

22 November 2025

امریکا کے بعد اب فرانسیسی کمانڈر نے بھی اس بات کی تصدیق کر دی ہے کہ مئی میں پاکستان اور بھارت کے درمیان ہونے والی فضائی جھڑپ میں بھارتی رافیل طیارے پاکستانی فضائی دفاع کے سامنے ناکام ثابت ہوئے۔ عالمی خبر رساں اداروں کے مطابق 6 اور 7 مئی کی یہ جھڑپ دنیا بھر کی عسکری قیادت کی توجہ کا مرکز بنی رہی، کیونکہ یہ جدید طیاروں، تربیت یافتہ پائلٹس اور ایئر ڈیفنس سسٹمز کی حقیقی آزمائش تھی۔

فرانس کے شمال مغربی علاقے میں قائم نیول ایئربیس کے کمانڈر کیپٹن یوک لو ، جو 25 برس سے رافیل اڑانے کا تجربہ رکھتے ہیں ، نے میڈیا سے گفتگو میں اعتراف کیا کہ مسئلہ رافیل کی تکنیکی کمزوری نہیں تھا بلکہ بھارتی پائلٹس کی مہارت میں کمی تھی۔ انہوں نے واضح کہا کہ پاکستانی فضائیہ نے نہایت منظم اور مؤثر انداز میں صورتحال کو ہینڈل کیا۔

انڈو پیسفک کانفرنس میں گفتگو کے دوران کیپٹن یوک لو نے بتایا کہ اس رات 140 سے زائد جنگی طیارے فضا میں موجود تھے، صورتحال انتہائی پیچیدہ تھی، لیکن پاکستان نے ایک مربوط حکمتِ عملی کے تحت بھارت سے کئی گنا بہتر ردعمل دیا۔ بھارتی مندوب نے اس بیان کو چینی پروپیگنڈا قرار دینے کی کوشش کی، مگر فرانسیسی کمانڈر نے اسے نظرانداز کرتے ہوئے اپنی بات جاری رکھی۔

کمانڈر نے تصدیق کی کہ رافیل کا ریڈار سسٹم ناکام نہیں ہوا تھا بلکہ مسئلہ اسے آپریٹ کرنے والوں کی تربیت اور فیصلوں میں تھا۔ ان کا کہنا تھا کہ رافیل کسی بھی چینی طیارے کو ہرانے کی صلاحیت رکھتا ہے، لیکن فیصلہ کن عنصر ہمیشہ پائلٹ کی مہارت ہوتی ہے۔ انہوں نے یہ بھی بتایا کہ بھارت اب رافیل کے نیول ورژن میں دلچسپی رکھتا ہے جو ایئرکرافٹ کیریئر پر لینڈنگ کی صلاحیت اور جوہری ہتھیار لے جانے کی قابلیت رکھتا ہے، تاہم یہ صلاحیت فی الحال صرف فرانسیسی بحریہ کے پاس موجود ہے۔

ماہرین کے مطابق پاکستان اور بھارت کے درمیان یہ جھڑپ عالمی عسکری تجزیے کے لیے اس لحاظ سے اہم ہے کہ اس میں طیاروں، پائلٹس اور ائیر ٹو ائیر میزائلوں کی کارکردگی حقیقی جنگی ماحول میں پرکھی گئی، جس کے نتائج مستقبل کی فضائی حکمتِ عملی پر براہِ راست اثر ڈال سکتے ہیں۔