شور شرابہ اور شدید نعرے بازی: قومی اسمبلی کا ہنگامہ خیز اجلاس پیر تک ملتوی

اسلام آباد: قومی اسمبلی کا آج کا اجلاس شدید شور شرابے اور اپوزیشن کے احتجاج کے باعث پیر کی شام 5 بجے تک ملتوی کر دیا گیا ہے۔ اجلاس کے آغاز سے ہی اپوزیشن اراکین نے پیٹرول کی قیمت 458 روپے اور ڈیزل 520 روپے کرنے کے حکومتی فیصلے کے خلاف بینرز لہرائے اور شدید نعرے بازی کی۔

اسپیکر  نے ایوان کی کارروائی چلانے کی بھرپور کوشش کی، تاہم اپوزیشن اراکین نے اسپیکر کے ڈائس کا گھیراؤ کر لیا اور “مہنگائی نامنظور” کے نعرے لگائے۔ شور شرابہ اس قدر بڑھ گیا کہ اراکین کی آوازیں ایک دوسرے کو سنائی دینا بند ہو گئیں، جس پر اسپیکر نے برہمی کا اظہار کرتے ہوئے اجلاس پیر کی شام 5 بجے تک ملتوی کرنے کا حکم جاری کر دیا۔