فضائی دفاعی نظام نے خلیج میں ایک جنگی طیارے کو مار گرایا، پاسداران انقلاب

تہران: ایران کے پاسدارانِ انقلاب (آئی آر جی سی) نے اعلان کیا ہے کہ ان کے فضائی دفاعی نظام نے خلیج میں ایک “دشمن” لڑاکا طیارے کو کامیابی سے نشانہ بنا کر تباہ کر دیا ہے۔ ایرانی سرکاری میڈیا کے مطابق، یہ کارروائی جزیرہ قیشم (Qeshm Island) کے جنوبی علاقے میں کی گئی، جہاں ایک نامعلوم جنگی طیارہ ایرانی فضائی حدود یا حساس دفاعی زون کی زد میں آ گیا تھا۔

آئی آر جی سی کے بیان میں تاحال یہ واضح نہیں کیا گیا کہ مار گرایا جانے والا طیارہ کس ملک کا تھا، تاہم یہ بتایا گیا ہے کہ نشانہ بننے کے بعد طیارہ جزیرہ ہنگام اور جزیرہ قیشم کے درمیانی علاقے میں سمندر میں گر کر تباہ ہو گیا۔ یہ واقعہ ایک ایسے وقت میں پیش آیا ہے جب امریکی طیارہ بردار بحری جہاز جیرالڈ ایس فورڈ کروشیا سے روانہ ہو کر نامعلوم منزل کی جانب گامزن ہے اور برطانیہ سمیت 40 ممالک کا اتحاد آبنائے ہرمز کی بندش کے خلاف سرگرم ہے۔