ایرانی شہر کرج میں امریکا واسرائیل کا حملہ، ہائی وے پل تباہ، 2افراد شہید

امریکا اور اسرائیل نے تہران اور کرج پرحملوں کے دوران کرج ہائی وے پل پر پھر حملہ کردیا۔۔جس کے نتیجے میں پل منہدم ہوگیا۔جبکہ دو افراد شہید ہوگئے۔

رپورٹ کے مطابق تازہ حملہ اس وقت کیا گیا جب امدادی ٹیمیں پہلے حملے میں زخمی ہونے والے افراد کی مدد میں مصروف تھیں۔کرج شہر ایران کے صوبہ البرز میں واقع ہے۔ البرز کے گورنر آفس میں سکیورٹی امور کے نائب نے پل کی تباہی اور دوافرادکی شہادت کی تصدیق کی ہے۔

صوبہ البرز کے حکام نے عوام کو ہدایت کی ہے کہ وہ اپنی حفاظت کے پیش نظر علاقے سے دور رہیں تاکہ امدادی سرگرمیوں میں خلل نہ پڑے۔