روس کا امریکاایران تنازع طے کرنے میں مدد کرنے کا اعلان

روس نے کہا ہے کہ وہ  مشرق وسطیٰ کے  تنازع کے حل میں کردار ادا کرنے کے لیے تیار ہے۔صدر ولادیمیر پیوٹن خطے کے رہنماؤں سے مسلسل رابطے میں ہیں۔

روسی صدارتی محل کریملن کے ترجمان دمتری پیسکوف نے میڈیاسے گفتگومیں کہاکہ صدر پیوٹن ان روابط کو جاری رکھے ہوئے ہیں اور اگر ہماری خدمات کسی بھی طرح درکار ہوئیں تو ہم یقیناً اپنی جانب سے بھرپور تعاون کے لیے تیار ہیں تاکہ جنگی صورتحال جلد از جلد پُرامن راستے پر آ سکے۔

دوسری جانب  روسی صدر ولادیمیر پیوٹن آج مصر کے وزیر خارجہ کی میزبانی کریں گے۔کریملن کے ترجمان کے مطابق ملاقات میں ایران جنگ، مشرقِ وسطیٰ کی مجموعی صورتحال اور دوطرفہ تعلقات پر بات چیت کی جائے گی۔