جنگ بندی کی درخواست نہیں کی، ایران نے ٹرمپ کا دعویٰ مستردکردیا

ایران کی وزارت خارجہ نے امریکی صدر ڈونلڈ ٹرمپ کے اس دعوے کو جھوٹا اور بے بنیاد قرار دیا ہے کہ ایران نے امریکا سے جنگ بندی کی درخواست کی ہے۔
ایران کے سرکاری ٹی وی کے مطابق یہ بیان وزارت خارجہ کے ترجمان اسماعیل بقائی کی جانب سے دیا گیا۔
ترجمان کی جانب سےیہ تردید امریکی صدر ڈونلڈ ٹرمپ کی اس سوشل میڈیا پوسٹ کے بعد آئی ہے جس میں انہوں نے دعویٰ کیا تھا کہ ایرانی رجیم کے نئے صدر نے جنگ بندی کی درخواست کی ہے لیکن وہ تب اس پر غور کریں گے جب آبنائے ہرمز کھلے گی۔
ٹرمپ نے یہ واضح نہیں کیا کہ نئے صدر سے ان کی کیا مراد ہے۔ کیوں کہ 2024 میں منتخب ہونے کے بعد سے مسعود پزشکیان ہی ایران کے صدر ہیں۔