30روز میں ایران نے خلیجی ممالک پر 5200 سے زائد حملے کیے،عرب میڈیا

عرب میڈیا کی رپورٹ کے مطابق ایران نے گزشتہ 30 روز سے جاری جنگ میں خلیجی ممالک پر 5 ہزار 200 سے زائد حملے کیے ہیں۔

میڈیا رپورٹ میں بتایا گیا کہ سعودی دفاعی نظام نے 30 دن میں ایران کے 57 میزائل اور 1006 ڈرونز کو ناکارہ بنایا۔ کویت پر ایران نے 309 بیلسٹک میزائل اور 616 ڈرونز سے حملے کیے، جبکہ قطر پر 206 میزائل، 90 ڈرونز اور 2 جنگی طیارے استعمال کیے گئے۔

بحرین نے ایران کے 1 ماہ میں 174 میزائل اور 391 ڈرونز کو مار گرایا، جبکہ یو اے ای پر ایران نے 413 میزائل اور 1914 ڈرونز کے حملے کیے۔ رپورٹ کے مطابق سلطنت عمان پر ایران کے 19 ڈرون حملے بھی کیے گئے۔