امریکی طیاروں کو ایران پر کارروائی کے لیے اسپین کی فضائی حدود نہیں ملیں گی، وزیر دفاع

میڈرڈ: اسپین کی وزیر دفاع مارگریٹا روبلس نے تصدیق کی ہے کہ امریکی طیاروں کو ایران کے خلاف جنگ میں اسپین کے اڈے یا فضائی حدود استعمال کرنے کی اجازت نہیں ہوگی۔

صحافیوں سے گفتگو میں وزیر دفاع نے کہا کہ یہ بات شروع سے امریکی فوج کو واضح کر دی گئی تھی۔ انہوں نے ایران کے خلاف جنگ کو انتہائی غیر قانونی اور غیر منصفانہ قرار دیتے ہوئے کہا کہ اسپین کا موقف سب کے لیے واضح ہے۔

یہ اعلان اس ماہ کے آغاز میں اسپین کے وزیراعظم پیڈرو سانچیز کے بیان کے بعد آیا، جنہوں نے امریکی طیاروں کے مشترکہ فوجی اڈوں کے استعمال کو خطرناک اور ناقابلِ جواز قرار دیا تھا۔